2012 年 12 月，我仍是一個「打工仔」。每日回到網頁設計公司工作，都沒有什麼工作要做，沒有什項目要跟進。
對於大部份打工的，這是一個美夢。不用做也有人工收。
但我很喜歡這公司，我很喜歡我的老闆，所以沒有工作是壞消息，因為其實是公司沒生意。沒生意到一個地步，我們最多只能撐多三至六個月。如生意額沒改善，我跟另外兩三個同事就要另謀高就。
公司規模小，沒有負責宣傳的同事。對宣傳一無所知的我，就決定跳出自己做設計的崗位，想辦法幫公司增加生意。
我試了很多不同方法找新客源。
最後結果？查詢電話多得我們要多請兩個銷售同事去見客。
你想知道我如何做到嗎？
更重要是，想知道你的生意，會否可以參考我的做法，同樣地發掘新客源，讓查詢多得接個不停嗎？
試了沒有效果的方法
沒有做廣告背景的我，就開始試最傳統的低成本方法去找客源：派傳單及 cold-call。
去了商業大廈「洗樓」，向其他中小企客戶派傳單，按門鐘問他們是否需要網頁設計服務。最後很多時被大廈管理處趕走。
派了幾百張傳單，按了幾十個門鐘，獲取新客戶數量：零。
另外就試 cold call 電話吧。上 88DB 網找了各行各業的聯絡資料。如見他們廣告沒有登出網址，就打電話問他們有沒有需要做一個。
請了一個兼職同事，每日就數十個至過百個電話打出去。
試了一個月後，獲取新客戶數量：1。
那個客戶帶來了數千元港幣的收入。扣除成本，再扣除打電話同事的薪金，結果再次是：等於零。
跳出自己的「舒適地帶」，找到了公司的救星
傳統方法不行，就唯有試新潮的方法吧。
我從朋友處聽過關於一個在 Google 放關鍵字廣告的宣傳方法，可讓我公司網站曝光。
自己從來沒做過，身邊亦未有朋友做過。
但反正都一死，就試一試吧。
於是自己就大膽地，開始自學 Google Adwords 關鍵字廣告投放平台。
一開始不太肯定會否有效果，所以決定 HK$1,000 第一個月開始試起。
過了一星期，竟然真的有人主動致電查詢了！
過往一向是老闆去商會，靠人脈找生意。致電查詢的人，一定是老闆的朋友，或客戶介紹其他朋友。
但這個準客戶，是從來沒有聽過我們公司，他亦不是朋友或介紹的。
最後真的簽成了這客戶，亦簽成了另一個客戶，總共兩個客戶是從廣告帶來的。
HK$1,000 廣告費，獲取兩單生意，收入 HK$6,000 左右，扣除成本，淨利潤高過廣告費。
之後的一個月我將預算增至 HK$3,000。客戶數量又增加了幾倍，之後不斷繼續增加，到我離開那公司的時候，每月廣告消費近 HK$20,000，廣告帶來的收入超過 HK$100,000。
老闆亦不再需要去商會找生意，更專注去做招聘及員工培訓職務。
從 2012 年廣告開始 至 2016 年，Adwords 為公司帶來了近 42,000 個網站訪客，超過 5,000 個客戶查詢，成功獲取過千個客戶。
Google Adwords 關鍵字廣告 可幫你公司帶來生意嗎？
我相信你除了對我的故事有興趣外，你應該更有興趣的是：「我的公司也可以用 Google Ads 廣告，帶來客戶及生意嗎？」
最有效的解釋方法是，我會先講解為何 Google Ads 在我的公司有效。
1. 競爭對手不強
雖然香港很多網頁設計公司，競爭大，但沒有很多很大型的對手。而會在 Google 放廣告的同行對手，大部份都是像我們一樣的小本生意，所以廣告費不至於要天價才可獲取客源。
2. 我們的服務在網下很難找到
如準客戶身邊沒有做網頁的朋友，他們很難有任何途徑去網下找到設計公司幫忙。
所以有需要的準客戶，大多都到 Google 尋找供應商。
3. 我們服務定位在價錢優勢
在 Google 搜尋供應商的準客戶，因為他們需要立即購買，未必有太多時間比較很多不同公司。
而因為他們對這些候選公司了解不深，不能很清楚明白每一間的優勢，所以出現的情況是，他們大部份會用「價錢」去作最大比較指標。
當然我意思不是最低價的一間公司會獲取所有生意，但如果公司的優勢在價錢方面，Google Ads 的效果會事半功倍。
如何判斷 Google Ads 是否能配合你公司
首先我想提出的一點是，「是否適合」的答案不是黑白的。最有效去了解的方法是嘗試。
話雖如此，以下有一些指引，可給你一個初部概念，究竟 Google Ads 是否能配合你公司的產品及服務。
如你的公司，產品及客戶群有以下特質，會比較容易有效運用 Google Ads：
- 競爭對手不多，或起碼不多大品牌對手。例如化妝品會難做，因要跟 loreal, shisedo 等大品牌競爭廣告位置
- 產品或服務定位在於價錢優勢。以上提及，因為準客戶對你不認識，難明白你品質上的優勢，所以會比較專注價錢
- 網下很難找到你的產品或服務。例如時裝或首飾，太容易到店鋪買到。
如你的產品及服務跟以上幾點完全相反，那就會比較難有效地運用 Google Ads。
可能 Facebook 廣告會比較適合，可參考我的 Facebook 廣告教學文章：
我很高興我有給 Google Ads 一個機會，讓它救回我的公司，改變我的命運。
如你覺得 Google Ads 能配合你生意的話，那就鼓勵你可更深入了解這宣傳平台，及嘗試放一些廣告，看看效果如何。
輪到你了
覺得 Google Ads 關鍵字廣告會是一個適合你生意的平台？鼓勵你給它一試。
如你想了解更多關於 Google Ads 廣告的投放要訣及技巧，我想邀請你參加即將舉辦的 網上工作坊：「賺錢的 Google Ads 廣告：三個不可不知的要訣」。
工作坊 約一小時長，費用全免，100% 網上收看。如有興趣，請盡快報名參加。
對這篇文章有任何想法或問題？歡迎留言或電郵我提出，我會盡量回覆你。
View Comments (10)
我其實有個困惑就喺之前做Ad Word去推銷英國男裝皮鞋，但明顯從客戶的來路可以判斷到效果並不太理想。依家由於仲有contract，要繼續用埋個Budget，睇到你嚟篇文章我又想構思喺咪自己搞錯啲咩呢？啱啱代理咗一個英國品牌英國製造嘅女士高踭鞋，從你嘅經驗去睇，利用adword嘅效率會搞嗎？另外，掂樣去設計個“思路”機會比較大呢？嚟個品牌嘅特點就喺——質量及舒適，我相信女士著Stiletto嘅最大關注會喺後者“舒適”，畢竟幾靚如果著得唔舒服其實都喺廢嘅。都想聽下你嘅高健！
你好呀 eric, 我其實會覺得，賣衫賣鞋呢啲，Adwords 真係未必太適合，正如我提及嗰點，呢個類別嘅產品線下容易揾，所以普遍唔會有好多人打「男裝皮鞋」入 Google 去買鞋。特別香港地方細，實在太容易落街買，又可以試吓先，所以會難做。
Facebook 可能比較適合嘅，不過你都諗得啱啦，要有個好「思路」去做（即是我通常叫「度條好橋」。
如果你放啲鞋嘅相上 Facebook, 埋黎睇埋黎簡，效果亦未必好。相反，舉例可以用條橋例如，寫篇文章講解著咗唔舒適嘅 stiletto 會有咩問題，簡 stiletto 應該點簡等等。用 facebook 吸人流去睇呢篇文章，再用 remarketing 叫 facebook 賣你啲產品俾睇過呢篇文章嘅人。
我估你係網店咁樣賣，之後送貨？都要多啲諗吓點樣克服「無得試」，如果我自己黎講，我差唔多無可能考慮網上買鞋，因為唔啱 size 好煩。美國有間好成功，唔記得邊間，佢地係無條件免費換貨，仲會出埋雙邊運費。
或者如你有鋪頭，當然可以吸人黎你鋪，或者俾個 coupon 帶佢去網下之類 :)
其實我宜家已經行緊B2C ＋ O2O，效果都好唔錯，只係啱啱Adword仲有條尾數要用埋，所以睇下有無咩好嘅idea。但係我又咁諗著高踭鞋嘅女士可能都會有著得唔舒適嘅問題，嚟個有可能係我嘅切入點都唔定，畢竟英國嘢嘅賣點唔係有幾“時髦”嘛！多謝曬你嘅回答。
你好啊~我係做攝影生意的，唔知道Adwords是否適合？我現在還沒有嘗試利用呢個平台，主要系唔知道邊一啲類型的關鍵字適合。他的宣傳效益真的這麼大嗎？我都苦惱怎樣為我的網站帶來人流，www.hqphotohk.com，HQ攝影工作室
你好呀 Matt, 我估計 adwords 都應該有效用嘅，不過因為競爭越黎越大，搜尋嘅人又無越黎越多，價錢唔太平。最好可能用黎做啲賺錢啲嘅 packages。
相反，如果未做過 adwords 或 facebook，我建議由 facebook 廣告開始。咁啱我上兩星期分享咗一個馬來西亞做攝影朋友嘅成功例子，可以參考一下：
http://www.marketingtips.hk/photography-fb-ads
另外以下係一篇 Facebook 廣告入門教學，如果有興趣試 Facebook 廣告，絕對建議參考 :D
http://www.marketingtips.hk/facebook-ads
hello stephen，請問一下，我係做化妝品 / 護膚品的，已建立網站，但人流始終不多，而且直正會係網站買野既人亦不多。想請問呢類型既行業，做google adwords 既成效大嗎? 因為我始終唔係一個獨立既品牌，市場上太多competitors, 而我budget 又有限，所以想請問你覺得我應該投放資源係google adwords 呢個平台嗎? 還是將資源集中投放係facebook / instagram 效好 ? 謝謝你的解答！
我覺得你呢類型嘅產品，真係做 facebook / instagram 會好啲。
因為 adwords 成功主要係靠用家搜尋某個關鍵字揾你嘅產品，例如我呢個文章，需要一個網頁設計，或者係會計師開公司，牙痛要揾牙醫等。
我估計應該唔多人會搜尋你類型嘅產品，亦都會好多大品牌競爭，adwords 會好貴。
Facebook / IG 都未必易做，始終行業競爭大，不過精準 target 好受眾，有啲銷售策略等等，可以突圍而出嘅。
唔該晒你~咁或者我先從facebook ad. 開始！
唔洗客氣呀，如未有機會，可參考吓我嘅 Facebook Marketing 教學文章，有好多唔同資源俾到你 :)
http://www.marketingtips.hk/facebook-marketing
Hi stephen,
如何比較有效整合 Google Adwords 及 Facebook / IG 的廣告，我們主要是以本地零售及批發T恤為主
https://t-shirt.com.hk
四五年前以 Facebook Adv 為主，效果不錯，但近幾年的效果明顯不太好，現時主要以 Google Adv 為主。